Per crear in taglier da fitness stoppian las ustrias risguardar naginas prescripziuns, sco per exempel in maximum da kilocalorias, declera Franz Caluori, president da Gastro Grischun. Uschia vendan ellas er salata cun cordonbleu u schizunt cun turta da charn sco taglier da fitness. «En sasez duess quai esser in plat lev, ch'ins po mangiar sch'ins vegn gist dal sport u sch'ins è stà en il chaud la stad», di Caluori. Adattà saja per exempel ina salata senza maionesa e tiers in toc charn magra, sco ina talgia pulaster, vadé u portg.
Ina tschavera duess avair trais cumponentas
Per mangiar sanadaivel en l'ustaria na ston ins dentant betg exnum pustar il taglier da fitness. Impurtant saja che la tschavera haja trais cumponentas, declera Flurina Pitsch, cussegliadra da nutriment en l'Ospidel Engiadin'Ota. Ina sajan las verduras sco la salata. Lura sajan er proteins sco charn, ovs u pèschs impurtants. La terza cumponenta sajan ils idrats carbonics en furma da paun, pasta u pulenta.
Taglier da fitness - in plat e differentas interpretaziuns
Bleras ustarias porschan al client in taglier da fitness sco alternativa sanadaivla. Tge normas valan dentant insumma per in tal taglier?
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter