La paletta da velos da muntogna sin la fiera è uschè gronda sco la purschida da vias da velo en il Grischun. Betg simpel, da chattar il dretg. Il pli impurtant è da sa decider, sch'ins vul in velo cun plima mo davant ni davant e davos. Sch'ins va bler en ils auts sin trutgs cun ragischs e crappa, è bun d'avair in velo cun plima davant e davos. Il velo cun mo ina plima davant è persuenter pli levs.
Era da gronda impurtanza è il sez. Tenor il spezialist da velos Sepp Hendry da Velos Casutt a Glion, è il meglier dempruvar ora differents sezs, enfin ch'ins ha chattà quel che va il meglier.
