Siglir tar il cuntegn

Header

audio
SRF
laschar ir. Durada: 5 minutas 8 Secundas.
cuntegn

«Batgaria da portg» – in engion online perfid

L'uschenumnà «Pig Butchering» è ina sort cugliunaria online cun criptovaluta. Cugliunarias online èn en general in grond problem. En Svizra hai l'onn passà dà 800 denunziaziuns pervi da cugliunarias online tar la polizia cun in donn da 80 milliuns francs.

Tar la uschenumnada «batgaria da portgs» creeschan criminals organisads profils fake sin social media – normalmain da dunnas attractivas e contacteschan lura umens – tranter auter er en Svizra. Ils criminals emprovan lura sur emnas da gudagnar la fidanza d'ina victima. Las persunas criminals pretendan lura er ch'ellas sajan inamuradas, per exempel cun chats sin whatsapp. Suenter in temp persvadan ils criminals u las criminalas a lur victima dad investir adina dapli raps en criptovaluta ed empermettan gronds gudogns.

Sco che l'expert da segirezza Jagadeesh Chandraiah ha scuvrì, dovran els ina app che guarda ora sco ina app normala per cumprar e vender criptovaluta – sin quella transfereschan lura las victimas daners. Ma prender ora ils daners n'è lura betg pli pussaivel, il daners van direct en ils mauns dals criminals che ageschen en maniera fitg professiunala or da l'Asia da l'Ost.
Da là deriva er il num cun il portg: il portg vegn quasi engraschà sur emnas e lura mazzà. Las victimas na moran natiralmain betg propi, il num tuna simplamein in zic divertent, ma il donn è fitg grond: finanzialmain ma er psicologicamain.

I dat in pèr tips da la psicologa Catherina Graber e la polizia per betg vegnir la victima da questa cugliunaria perfida:

  • esser sceptic sch'ina persuna estra contactescha vus sin social media. Spezialmain sch'ella cumenza svelt da discurrer da raps u da la grond'amur.
  • esser extrem prudent cun pajaments, spezialmain cun da quels che van or da la Svizra.
  • Avant da transferir daners, tschertgar en l'internet sch'ina app u ina pagina web è enconuschenta per cugliunaria, quai pon ins far per exempel sin la pagina da la polizia svizra: cybercrimepolice.ch.

Dapli da «Il Digitip - il tip digital»

Scrollar a sanestra Scrollar a dretga