Recepziun 3 - Ils misteris da vita e mort

Sara Francesca Hermann e Roberto Chiriatti han ensemen cun la reschissura Silvana Gargiulo creà in toc da teater che tematisescha la mort.

I dovra l'elavuraziun da quest tema. Er sche quai vegnia fatg dapi ch'i dat umans, manegia Sara Francesca Hermann. I saja impurtant ch'ins vegnia adina puspè confruntà cun la mort. Ma i saja er impurtant che quest toc tegnia sia ligerezza.

Singulas contribuziuns

Zum Audio

Recepziun 3 - In passagi da las olmas

Durada 10 minutas 43 Secundas , Claudia Cathomen

Cura che nossa vita va a fin essan nus morts. E lura? Qua cumenza il toc da teater da Sara Francesca Hermann e Roberto Chiriatti. Els mussan a moda tragicomica lur atgna interpretaziun dal misteri da vita e mort.

La «recepziun 3» è in lieu tranter vita e mort, in lieu da passagi nua che las olmas dals morts passan. A la «recepziun 3» vegnan las olmas retschavidas. Fra ch'è gist morta sto l'emprim acceptar ch'ella è en quest lieu. E lura sto ella emprender tge ch'ella ha da far.