Noss chalenders inditgeschan per oz ina s. Cristina u Cristiana. I sa tracta dad ina sclava ch'è fugida il terz tschientaner da la Tirchia enfin la Georgia, nua ch'ella ha cristianisà l'entir pajais. Fin oz vegn ella venerada sco la sontga Nino.
Cler ch'il num deriva da Cristus che signifitga quel ch'è unschì. Interessant è cunzunt che la furma masculina Cristian è daventà il sinonim per tut ils umans, ils carstgauns.
Las furmas scursanidas èn fitg popularas en rumantsch, pensain per exempel als Crests ed als Rests che portan savens in num dubel en Surselva: Rest Giusep, Rest Antoni, Rest Gieri u Rest Martin Cabalzar, il chauredactur engaschà da la Quotidiana.
Redacziun: Chasper Pult
