Surtut durant l'enviern ha il sistem d'immunitad bler da far. Evitar che bacterias e virus rivan tar nus en il corp è ina gronda prestaziun. Tant pli impurtant èsi d'al sustegnair. E quai fan ins il meglier cun vitamins. E nua sa chattan quels?
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
La meglra funtauna per vitamins èn fritgs e verdura. Ma betg mo en oranschas u kiwis sa chattan vitamins en massas. Era en verdura stagiunala d'enviern sco giabus, ravas o rischcotschna hai vitamins. Pli frestg ch'els èn e pli blers vitamins ch'els han anc. Ma era verdura schelentada cuntegna vitamins. Perquai che la verdura riva subit suenter la racolta en glatschera gronda restan ils vitamins conservads.
Vitamins artifizials
Tenor il cuschinier Martin Sialm pon tablettas da vitamins e quellas per dissolver en l'aua gia gidar. Meglier saja però da prender si ils vitamins sur il nutriment.