«La chapientscha vicendaivla vegn a crescher»

Da quai è il teolog, eticher e plevon refurmà da Tschlin, Christoph Reutlinger, persvas. Durant la crisa da COVID-19 è la rait sociala avant maun e fa pussaivel chaussas che n'èn uschiglio betg pussaivlas. I vegn gidà in l'auter.

Ina crisa ha adina aspects positivs e negativs, manegia Reutlinger. Lavurar a chasa po esser positiv, perquai ch'ins ha libertads e na sto betg far il viadi mintga di en biro. Ma ins po er survegnir il sentiment dad esser serrà en.

Pussaivel èsi che la crisa da COVID-19 fa vegnir nus pli modests, che nus cumenzain a studegiar tge ch'è insumma impurtant per nossa vita. La crisa vegn er a rinforzar la chapientscha vicendaivla. E – nus vegnin a tegnair endament quest temp, è Reutlinger persvas.