Missiun B: Il curtin «Sper uolm» da Ingrid Ritter

Ingrid Ritter è pura, pedagoga da curtin ed er catecheta. Ella è oriunda dad Arlesheim en il chantun Basilea-Champagna ed è vegnida il 1980 en Surselva. Ingrid Ritter ha emprendì rumantsch, ha lavurà 22 onns en la chasa d’attempads sogn Giusep a Cumpadials ed ha era manà quella durant 12 onns. Il curtin dad Ingrid Ritter porta il num «Sper uolm». Il curtin d’exposiziun ch’è er avert per visitaders, mesira ina mesa hectara ed e situà sin 960 meters sur mar. Ingrid Ritter cultivescha sias plantas, ervas, verduras e ses fritgs tenor ils principis da demeter sviluppads dal antroposof Rudolf Steiner. La hortulana planta, tgira è racolta ses products er tenor il chalender da la glina. En connex cun ses curtin biodinamic porscha Ingrid Ritter plinavant differents curs e seminaris per scolas e creschids. #missiunb #biodiversitad #perVus #alpuldalanatira

Missiun B: Il curtin «Sper uolm» da Ingrid Ritter