Question 1

Co poss jau profitar da la purschida HD?

Accepted Answer

Nus purschain programs variants en resoluziun auta (HD, 720p) sin Play RTR. Sch'in program è disponibel en HD, lura vesais in buttun da HD en il menu dal video per midar. Remartga: I pudess dar in retard cun midar sin HD (tut tenor volumen da datas e tempo dal processur.

Question 2

Tge emissiuns poss jau guardar u tadlar online?

Accepted Answer

Sin Play RTR èn da vesair tut las atgnas producziuns da RTR aifer curt temp.

Question 3

Tge emissiuns na poss jau betg guardar online?

Accepted Answer

Emissiuns che RTR n'ha betg producì sez (serias, films) n'èn per ordinari betg a disposiziun online. En singuls cas èni a disposiziun durant 7 dis suenter l'emissiun. Curt avant ch'i spireschan, als chattais sin la pagina iniziala sut «A disposiziun mo anc curt temp».

Question 4

Poss jau era guardar programs pli vegls?

Accepted Answer

Ils blers programs online da RTR èn disponibels gratuit e senza limita da temp.

Question 5

Poss jau guardar programs da tv e radio en l'internet?

Accepted Answer

Gea, RTR emetta l'entir program da tv e radio en la rait - en il menue Live. Ils programs da televisiun pudais però guardar mo en Svizra.

Question 6

Il video è granellus. Poss jau drizzar quai?

Accepted Answer

La qualitad da videos pli vegls n'è betg buna avunda per guardar en resoluziun auta. Forsa è era voss volumen da datas transferiblas betg suffizienta per guardar il video en resoluziun auta.

Question 7

Mia colliaziun cun l'internet è fitg plauna - poss jau tuttina guardar videos?

Accepted Answer

Gea. Play adattescha la versiun optimala dal video per il volumen da datas disponibel.

Question 8

Suttitels - Tge ch'ins sto savair?

Accepted Answer

Dapi il favrer 2014 vegnan agiuntads suttitels tar adina dapli emissiuns. Tar videos live poi dar retards da fin 3 secundas, perquai ch'ils suttitels vegnan generads automatic.
Sin Play RTR pon ins activar e deactivar ils suttitels cun il buttu (ST) en il trav da funcziuns dal Play. Per chattar videos cun suttitels, pon ins tar la tschertga era filtrar tenor suttitels, e sur il menu da 3 puncts (sura dretg) pon ins laschar mussar il simbol per suttitels.

Question 9

Il RTR Player na vegn betg visualisà correctamain en mes navigatur. Tge poss jau far?

Accepted Answer

Cunquai ch'i dat bleras differentas versiuns da browsers, po il cuntegn vegnir mussà sbaglià en tscherts browsers. Play è optimà per ils browsers ils pli frequents. Utilisai la versiun la pli actuala da:

Google Chrome
Apple Safari
Mozilla Firefox
Microsoft Edge

Question 10

Pertge n'èn intgins videos betg disponibels per raschuns giuridicas?

Accepted Answer

Per intginas emissiuns ha la SSR ils dretgs da las mussar mo per temp limità. Savens è quai il cas tar serias e documentaziuns. Qua tras poi dar, che singulas contribuziuns u emissiuns na vegnan betg pli mussadas.

Question 11

Pertge n'èn intgins videos betg disponibels?

Accepted Answer

Per intgins videos na po RTR betg cumprar ils dretgs - savens tar eveniments gronds da sport. Perquai poi dar che singulas contribuziuns da sport u da novitads na dastgan betg cumparair.

Question 12

Pertge poss jau guardar tschertas emissiuns mo durant 7 dis?

Accepted Answer

Singulas emissiuns èn limitadas d'esser online sin 7 dis (raschuns giuridicas). Per regla è quai producziuns da terzs che porschan ils dretgs mo a temp limità.

Question 13

Pertge n'èn tschertas emissiuns betg disponiblas ordaifer la Svizra?

Accepted Answer

Per intginas emissiuns e contribuziuns po RTR acquistar ils dretgs mo per la Svizra. Quai è il cas surtut tar emissiuns da sport. L'adressa IP vegn utilisada per identifitgar il stadi che Vus essas tar il consum. Il player da video As infurmescha ch'il video è disponibels mo en Svizra. Infurmaziuns supplementaras

Question 14

Pertge poss jau guardar tscherts videos mo da notg?

Accepted Answer

Per raschuns da protecziun da la giuventetgna èn tscherts videos a disposiziun mo tranter las 23:00 e las 05:00. Quai è cuntegns che vegnan mussads en la televisiun era mo en il program tard.

Question 15

Poss jau far in post sin Facebook u in'autra rait sociala cun il video?

Accepted Answer

Gea. Piglia il buttun per cundivider en il player da video e selecziunescha la plattafurma giavischada.

Question 16

Poss jau telechargiar videos? Tge format hani?

Accepted Answer

Tscherts videos pudais telechargiar sco MPEG-4. Per raschuns giuridicas na pudain però betg lubir da telechargiar tuts..
Notabene: Ils cuntegns dastgan ins telechargiar mo per diever na-commerzial.

Question 17

Co poss jau midar las opziuns dal video player?

Accepted Answer

Laschar ir in video ed avrir las opziuns cun il simbol da la roda dentada en il chantun sura dretg. Uschia pudais deactivar ch'i va videos cuntinuant ubain agmentar il tempo dal video.

Question 18

Poss jau era duvrar abreviaziuns per las controllas dal player?

Accepted Answer

Gea. Suenter cliccar sin il player avais las suandantas opziuns per navigar:

Interrumper/cuntinuar playback: tasta "vid"
Enavos per 10 secundas: paliet sanester
Spert enavant 10 secundas: paliet dretg
Siglir enavant u enavos el video: 0 tochen 9
Rechargiar video: 0
Auzar volumen: +
Sbassar volumen: -
Silenzi: M
Turnar tar davosa mesira da volumen suenter silenzi: M
Engrondir sin entir visur: F
Enavos tar modus normal: F u ESC
Midar tranter qualitad SD/HD: Q

Question 19

Datti purschidas spezialas per persunas cun impediments d'udida u vesida?

Accepted Answer

Na. Per las emissiuns da televisiun da RTR na datti actualmain naginas translaziuns en lingua da segns.

Question 20

Tge raschuns hai, sch'in video duvrar ditg per chargiar?

Accepted Answer

Videos dals ultims 30 dis valan sco fitg disponibels, nua ch'i na dastgass betg dar problems d'als chargiar. Videos pli vegls vegnan arcunads insanua auter e pon duvrar dapli temp.

Question 21

Durant guardar in video pon capitar sbagls sco il maletg che tremblitga, repetiziuns da sequenzas curtas e stops. Pertge capita quai?

Accepted Answer

Differents sbagls pon capitar en connex cun la tecnologia da streaming ed il provider d'internet durant guardar il video. La raschun principala èn las midadas dal volumen da datas transferibel ch'è standard. Il player controllescha cuntinuadamain il volumen ed adattescha la qualitad lasuenter.

Question 22

Nua chat jau il program da tv?

Accepted Answer

Sut «Manchentà emissiun?» chattais tut las emissiuns da tv (ordinadas tenor data e temp) che RTR ha gia emess en la televisiun e tut ils videos sin dumonda (VoS). 
Sche Vus vulais guardar l'entir program da televisiun, lura pudais al activar sur il menu sura dretg (tar ils 3 puncts).

Question 23

Poss jau crear sez ina glista da favurits?

Accepted Answer

Gea. Vus pudais favurisar singulas emissiuns (per exempel Telesguard) ed entirs secturs (per exempel documentaziuns). Quai cun cliccar sin il simbol da staila.  
Emissiuns favurisadas chattais pli tard sin la pagina iniziala da Play RTR. Sin basa dals elements favurisads, propona la app era ulteriurs videos. 
Questa funcziun datti però mo cun activar la persunalisaziun. Ils favurits vegnan arcunads sin Voss apparat ed èn era disponibels exclusivamain là.

Question 24

Tge munta l'icon cun l'ura pitschna sin il purtret pitschen?

Accepted Answer

Cun quest icon pudais agiuntar videos a la glista "guardar pli tard". Sche Vus vulais stizzar in video da la glista, lura simplamain cliccar sin l'icon cun l'ura.
Questa funcziunalitad è mo disponibla en il modus persunalisà.  La glista è arcunada per Vus persunalmain sin l'apparat ed è era accessibla mo sin l'apparat.

Question 25

Nua chatt jau videos ch'jau hai cumenzà e vi ussa guardar vinavant?

Accepted Answer

Ils ultims 20 videos che Vus n'avais betg guardà fin la fin chattais sin la pagina iniziala da Play RTR.
Questa funcziun datti mo, sche la persunalisaziun è activada. La glista vegn arcunada sin Voss apparat ed è era disponibla mo la.

Question 26

Pertge datti il messadi da betg pudair mussar il cuntegn durant livestreams da tv?

Accepted Answer

Tut ils livestreams da la SSR èn protegids cun DRM (Digital Rights Management) per ademplir las cundiziuns dals possessurs dals dretgs. Intgins browsers na pon perquai betg mussar il livestream.

Agid