agid per cuntegns geobloccads

Pertge inditgescha Play RTR che jau sun ordaifer la Svizra

Per raschuns giuridicas na pudain betg mussar tut las emissiuns en il Play RTR ordaifer la Svizra. Quai vala era, sche Vus essas mo per curt temp ordaifer la Svizra - sco per exempel durant las vacanzas.

E sche Vus essas tuttina en Svizra?

I dat pliras raschuns, pertge che Play RTR inditgescha che Vus essas en l'exteriur. Las raschuns las pli frequentas: :
  • Vus nizzegiais in servetsch da VPN ubain in Proxy-Server?
  • Vus nizzegiais in computer da firma?
  • Vossa IP n'è betg registrada en Svizra?
  • Vus nizzegiais in telefonin?

Vus utilisais in VPN u in server proxy?

Sche Vus utilisais VPN (Virtual Private Network) ubain in Proxy-Server essend en Svizra, pruvai cun deactivar lez servetsch. Sche Vus essas in utilisader cun experientscha, lura pudais pruvar da sclauder dal traffic via VPN las suandontas domains:
  • *.rtr.ch/*
  • *.srf.ch/*
  • *.srgssr.ch/*
  • *.akamaihd.net/*
  • *.akamaized.net/*
  • *srg.live.ott.irdeto.com/*

Nizzegiais in computer da fatschenta?

Sche Vus nizzegiais in computer da fatschenta per guardar cun Play RTR, poi esser che Vus pudais nizzegiar la app mo per part - tras las meisras da segirtad da Vossa firma. Sche Vus essas en ina rait da la firma, pudais proponer a Vossa partiziun d'informatica da metter sin la Whitelist las domains suandontas:
  • *.rtr.ch/*
  • *.srf.ch/*
  • *.srgssr.ch/*
  • *.akamaihd.net/*
  • *.akamaized.net/*
  • *srg.live.ott.irdeto.com/*
Controllai sez, sche Vossa adressa d'IP è registrada en SVizra. Differentas paginas porschan talas controllas gratuitas, sco per exempel www.whatismyip.com ubain whatismyipaddress.com. Questas paginas mussan Vossa adressa dad IP, Voss lieu actual e tar tge provider che l'adressa è registrada actualmain. Sche questas indicaziuns na correspundan betg a Vossas spetgas, lura contactai per plaschair Voss provider. Sche l'adressa ha gist dacurt midà possessur, poi esser ch'ella n'è anc betg actualisada en tut las bancas da datas. Quai po durar pliras emnas.

Vus utilisais in telefonin?

Sche Vus giais sin Play RTR via il browser dal telefonin, duessas deactivar la funcziunalitad per reducir il diever da volument da datas. Quests servetschs svieschan per part las datas sur servers da l'exteriur. Quests servetschs sa numnan per part era Turbo-Modus u sumegliont. Sche Vus avais ina carta sim da l'xteriur aifer la Svizra, lura vegnan las datas savens era sviadas sur servers en l'exteriur. Quai po chaschunar problems tar la localisaziun.