Betg mo Lai ha in implant professiunal da biatlon, mabain era l'Engiadina.

Gasparin e Lai. Segiramain ils dus pleds che vegnian endament sco emprim sch’ins pensa vi dal sport da biatlon en Grischun. Els survegnan però a partir dad immediat concurrenza e quai da Benderer, Denoth, Kirchen e Sclamischot. A Valsot en l’Engiadina Bassa ha la societad da biatlon regiunala numnadamain fabritgà la stad passada ord in vegl implant da tir, in implant da biatlon. Quel è ussa en funcziun e porscha cundiziuns idealas als giuvenils e las giuvenilas da vegnir la proxima staila en il sport da biatlon.