Iniziativa per in fond per il clima

Cun la Lescha davart il clima e l'innovaziun ha la Svizra decidì da reducir fin l'onn 2050 sias emissiuns da gas cun effect da serra a netto nulla. En concordanza cun l'Accord da Paris furnescha ella uschia sia contribuziun per la protecziun globala dal clima. A la Confederaziun stattan a disposiziun mintg'onn var 2 milliardas francs per la protecziun dal clima. La iniziativa vul che la Confederaziun creeschia in fond per il clima e mettia mintg'onn 0,5 fin 1% dal product interiur brut en quel - per mesiras da la protecziun dal clima e la transfurmaziun dal sistem d'energia.