Lia Rumantscha sa decida per in presidi singul – e restabilisescha post dal secretari general

L'elecziun da Chasper Sarott è ina clera terrada per Urezza Famos: Sia proposta per in copresidi cun Bernard Maissen ha survegnì be duas vuschs. Ils delegads èn sa decidids cleramain per ina persuna singula a la testa – in cler segn cunter ses curs. E: Andreas Gabriel, anteriur secretari general ad interim ed actual parsura da la direcziun, daventa a partir d'immediat er secretari general. En questa funcziun è el responsabel final per l'entir manaschi da la Lia Rumantscha.