Sumvitg ha sgulà 16 vehichels or da la Val Sumvitg

Suenter ch’ina bova aveva sfurzà la vischnanca da Sumvitg da serrar in traject da la via en la Val Sumvitg, ha ina fatschenta da helicopters sgulà ora la gievgia 16 vehichels ch’eran bloccads. Davent da venderdi il 1. d’avust a las 06:00 saja la Via Val puspè averta fin Acla Mulin, scriva la vischnanca da Sumvitg en sia communicaziun. Il glindesdi passà aveva ina bova lavà ora il fundament da la Via Val sin in tschancun da 15 fin 20 meters. Cunquai n’è la stabilitad da la via betg pli stada garantida, e la vischnanca ha stuì serrar quella. Tenor las enconuschientschas actualas resta ella serrada per pliras emnas per tut il traffic. Peduns pon guntgir cun passar sur la punt pendenta.