Surdà petiziun cun 17'000 suttascripziuns cunter sajettar luffins

En il Grischun na duain nagins luffins vegnir sajettads da chatschaders. Quai pretenda ina petiziun cun passa 17'000 suttascripziuns che metta era en dumonda en general la regulaziun da lufs cun sajettar. I vegn pretendì mesiras betg mortalas per schliar problems accumpagnants.

La cussegliera guvernativa responsabla per la chatscha, Carmelia Maissen ha prendi encunter la petiziun e ditg ch’il luf saja dapi onns in tema fitg emoziunal. Ins vegnia ad analisar il cuntegn da la petiziun ed elavurar ina resposta.