Video da drona sur la bova a Sorte

Tar las malauras da venderdi saira e notg en la Mesolcina eran quatter persunas vegnidas sutterradas a Sorte, ina fracziun da Lostallo. Ina da las quatter persunas han las forzas d'agid pudì salvar viva la sonda marvegl e la transportar en l'ospital. Trais persunas valan anc adina sco sparidas. La tschertga en acziun gronda ha cuntinuà enfin sonda saira. Per raschuns da segirezza è la tschertga però vegnida sistida sur notg e duai puspè cuntinuar a partir da dumengia. En il vitg da Sorte han las auas e bovas tschiffà 3 chasas e plirs vehichels, communitgescha la Polizia chantunala.

Urizis massivs e ferma plievgia han tutgà il venderdi saira la Mesolcina. Quatter persunas èn vegnidas sutterradas. Duas persunas restan sparidas. Ina persuna è vegnida chattada viva ed ina morta. L'autostrada A13 è per part destruida. L'autostrada sco era la via principala restan serradas.