Dunnas e bellezza: la chanzun da Fiona Cavegn

La giuvna chantadura ha deditgà sia nova chanzun al tema vesair ora. En ses video fa ella davent ses make-up e sa mussa uschia sco ella è. La chanzun ha ella scrit sur da ses agen svilup dad ina matta tar la dunna ch'ella saja oz. Perquai na duai la chanzun betg simplamain esser ina critica per autras dunnas. Cun la chanzun vul Fiona Cavegn plitost far curaschi a dunnas giuvnas da betg sa reducir memia fitg sin las valurs externas.