Quant custa ina carriera da sport?

Per pudair daventar il proxim grond star en il sport dovri raps. L’entir equipament, tut ils viadis e trenaments, scolas ed anc bler dapli custa, e quai betg pauc. Ma tge dovri insumma per ina sessiun d’enviern, tge pussaivladad da finanziaziun datti e da tgi survegnan giuvens sportists vinavant anc sustegn?

La seria Finamiras mussa ils temas che fatschentan mintga giuven atlet sin ses viadi vers sias finamiras. En 4 episodas avain nus discurrì davart las sfidas da Gian Andri Bolinger (15 onns da Zuoz), Gino Stucki (18 onns da Flond), e Fabiana Wieser (23 onns da Sent).