24.06.202040 guardà

Quinoa-Bowl da stad

Igl è puspè stad, e cun quai stuain nus tuts midar in pau nossa cuschina, la far in pau pli frestga ed er pruvar ora novas chaussas simplas però deliziusas. Quai dovras ti per cuschinar per 2 persunas: Quinoa -125g quinoa -2.5 dl aua -In zic buglion Sosa -2 tschaduns aceto balsamico bianco -2 tschaduns ieli d’ulivas -1 tschadun aua -1 tschadunin mel liquid -in zic sal e paiver Salata -125g rudellas da cucumera -100g rudellas da monis da sellerin -insaquantas rudellas da ravanel -75g frajas, tagliadas en n quatter tocs -100g burrata -in zic feglias da menta e basilic Uschia fas ti tes menu (temp da cuschinar: ca. 25 min) Buglir la quinoa en aua da buglion cun temperatura bassa durant 25 min, fin ch’ella è loma. Preparar la sosa, maschadar l’aceto, l’ieli d’ulivas ed il mel. Metter da la vart ina mesadad da la sosa. Agiuntar la verdura e la salata. Per servir agiuntar la burrata cun las ervinas e derscher per finir il rest da la sosa sur il plat delizius.

Dapli da Battaporta

Ultimas episodas

Dapli da quest tema