Dovri novs aviuns da cumbat? – Version mit deutschen Untertiteln

Il settember datti ina super-dumengia da votaziun. Il suveran svizzer sto dar respostas a tschintg dumondas. Ina da quellas dumondas: Duai vegnir mess a disposiziun sis milliardas francs per novs aviuns da cumbat? La sanestra di na – ma questa giada para il cumbat da daventar pli difficil che avant sis onns, cur ch’il pievel svizzer ha refusà da cumprar ils aviuns dal tip Gripen.

En il «Controvers» discutan la cussegliera naziunala Sandra Locher Benguerel PS cun il cusseglier naziunal Martin Candinas PCD.