Art en dus: Ursina Giger e Florian Egli – musica, famiglia e carriera
Co vegn ins da metter duas carrieras musicalas ed il mintgadi cun dus uffants pitschens sut in tetg? Il film documentar da Casper Nicca «Art en dus: Ursina Giger e Florian Egli – musica, famiglia e carriera» mussa la vita dad Ursina Giger e Florian Egli che collavuran musicalmain e ch’èn era privat in pèr, ina famiglia. Tuttina sche Ursina intganta il public cun ses artpop melancolic rumantsch en l’acustica monumentala da l’Ark Nova a Lucerna u sche Florian festivescha il mument cun ses trio da jazz – la musica è adina en il center. Lur mintgadi ha savens lieu tranter lur agen pitschen studio e lur abitaziun a Turitg, tut en la medema chasa. Qua vegn vivì e lavurà: sessions da registraziun fruntan sin il caos da famiglia. E Florian manegia cun in rir: «Uffants èn tant stress ch’in concert è sco vacanzas.» Ed Ursina respunda: «Els na laschan betg bler spazi, ma sch’i va propi per insatge, alura èn els fitg pulits!» Il realisatur da films Casper Nicca ha chattà in purtret intim. In sguard onest sin dus musicists excepziunals che mussan che la pli gronda sfida n’è betg la tribuna, mabain da chattar l’armonia tranter mintgadi e carriera.
-------------------------------------------------------------------------------------------- Wie lässt sich der Alltag mit zwei kleinen Kindern und zwei Musikkarrieren unter einen Hut bringen? Der Dokumentarfilm «Kunst zu zweit: Ursina Giger und Florian Egli – Musik, Familie und Karriere» zeigt das...
