Brinzauls: Bandunar e spazzar – u turnar e restar?
Il vitg da Brinzauls è evacuà dapi passa in onn. Gia per la segunda giada. Bleras abitantas e blers abitants na vulan betg pli turnar en lur vitg sin la terrassa sulegliva sur la Val d’Alvra. Perquai ha ina gronda part suttascrit l’annunzia per ina dischlocaziun preventiva e vul ir davent. Ma avant datti anc bleras dumondas: Èsi pussaivel d’ir a star a Vazarouls? Bastan ils raps ch’ins survegn per cumenzar da nov en in auter lieu? Auters spetgan cun brama da turnar a Brinzauls, sco la famiglia Bonifazi che fa il pur. Ils Bonifazis speran sin l’effect dal tunnel da drenascha che fa ch’il vitg na ruschna betg pli uschè spert aval. Ma la lescha pretenda per la dischlocaziun preventiva che las chasas vegnian spazzadas, sche lur possessurs van davent. Datti lura anc in avegnir per lur vitg? Entant che la muntogna sur Brinzauls smanatscha cun sfessas e sfendaglias, va in foss tras il vitg evacuà. La cuminanza dat dapart. Il dilemma da Brinzauls è in enorm pais per ils umans ed ina sfida immensa per las autoritads. Insatge ch’i n’ha anc mai dà e che sveglia grondas emoziuns. Ils «Cuntrasts» da RTR discurran cun persunas pertutgadas ed autoritads davart temas, quitads, speranzas e schliaziuns.
-------------------------------------------------------------------------------------------- Seit über einem Jahr ist Brienz/Brinzauls evakuiert. Schon zum zweiten Mal. Viele Bewohnerinnen und Bewohner wollen nicht mehr in ihr Dorf auf der Sonnenterrasse über dem Albulatal zurückkehren. Sie möchten...
