Ceder n’è nagina opziun
Ina gievgia da zercladur avant trais onns ha la vita dad Edi Truog prendì ina vieuta dramatica. Curt suenter la partenza cun ses parasgol è il bab da famiglia, da quella giada 50 onns, crudà radund 30 meters en la profunditad. L'ultima secunda èsi bain reussì al parasgulader versà da puspè avrir il parasol, ma il sfratg giu sin terra è succedì cun tutta forza. Dapi quest grev accident è Edi Truog dependent da la sutga cun rodas. Il film documentar dals «Cuntrasts» accumpogna il sportist passiunà tras la reabilitaziun e sin sia via enavos a chasa tar sia famiglia – in viadi emoziunal tranter speranza e sconfittas, marcà da pitschens sco era gronds progress. Il titel è program: ceder na vegn betg en dumonda per Edi Truog. Malgrà la perdita da sia libertad sportiva, cumbatta el per turnar en la vita – e chatta en quest process schizunt puspè enavos tar ina veglia passiun.
-------------------------------------------------------------------------------------------- An einem Donnerstag im Juni vor drei Jahren nahm das Leben von Edi Truog eine dramatische Wendung. Kurz nach dem Start mit seinem Gleitschirm stürzte der damals 50-jährige Familienvater aus rund 30 Metern i...
