Dachasa en privel – violenza en las atgnas quatter paraids
Ni il parc stgir, ni la garascha sutterrana, ni il sutpassadi desert – il lieu il pli privlus per ina dunna è a chasa. Quai mussan las statisticas – per il mund, per la Svizra ed er per il Grischun. La statistica criminala dal Grischun mussa: Duas persunas èn vegnidas mazzadas l’onn 2019 en Grischun – e tuts dus mazzaments èn capitads en las atgnas quatter paraids. Tut en tut ha registrà la polizia grischuna 196 cas da violenza a chasa. Quests delicts èn dentant be il piz da la muntogna. Ina part considerabla, uschia calculeschan expertas ed experts, resta en il stgir. «Igl è da prender il tabu da la tematica» din perquai trais dunnas pertutgadas. En ils «Cuntrasts» raquintan ellas da lur istorgia e lur experientschas cun la violenza en las atgnas quatter paraids. En il Grischun è Isabelle Jaeger s’inscuntrada cun «Selina» e «Marie» che vulan restar anonimas, ed en il chantun Lucerna cun Louise Hill. Ella ha vivì e surtut survivì cun ses trais uffants ina lètg violenta. Pertge che taschair n’è nagina soluziun datti da vesair en ils «Cuntrasts».
------------------------------------------------------------------------------------------- Weder im dunklen Park noch in der Tiefgarage noch in der menschenleeren Unterführung – der gefährlichste Ort für eine Frau ist zu Hause. Dies zeigen Statistiken – weltweit, in der Schweiz und in Graubünden....
