GEA – 50 onns dretg da votar da las dunnas

Ils 7 da favrer 1971 èsi finalmain uschè lunsch. Ils umens svizzers din GEA al dretg da votar da las dunnas, er ils grischuns. Ma betg tuts, per bler betg tuts. In cler NA datti en la Cadi, tut las set vischnancas refuseschan da dar il dretg da votar a lur dunnas. Il pli stretg NA datti a Trun, il pli vehement si Schlans. Il pli radical NA ha Riom. 27 umens van a vuschar e 27 din NA. Nagina autra vischnanca en il Grischun dat in NA unanim. Sa chapescha ch’igl ha era vischnancas progressivas. Il pli cler GEA din ils umens da Tschierv, 89% GEA. Cuntrasts: Las istorgias da trais resultats remartgabels e da trais dunnas engaschadas politicamain 50 onns suenter l’introducziun dal dretg da votar da las dunnas.