In siemi mez nar – «Bain Bun»
Janic Andrin Spinnler ha in siemi da vita. El vul manar ses agen bain puril. Ma il giuven Jauer na deriva betg d’ina dinastia da purs, ed el ha pir gist finì ses giarsunadi sco pur. Da talas circumstanzas na sa lascha el dentant betg franar. Cun be 21 onns cumpra el in bain puril en Val Müstair, senza agens raps e cun ina dunna ch’el enconuscha pir dapi intgins mais. Cun 400 giaglinas, cun intginas vatgas-mamma e cun bler anim sa metta il pèr giuven vi da la lavur. Las sfidas èn dentant grondas ed il siemi è collià cun stress, dubis e temas d’existenza. È quest project forsa in numer memia grond? U ha il pèr giuven success? Sara Hauschild ha documentà durant in onn e mez il svilup sin il «Bain Bun» – betg mo sco schurnalista, mabain era sco tanta da Janic Andrin Spinnler.
---------------------------------------------------------------------------------------- Mit 21 zum eigenen Hof im Münstertal Janic Andrin Spinnler hat einen Lebenstraum. Er möchte einen eigenen Bauernhof betreiben. Aber der junge Münstertaler hat erst gerade seine Bauernlehre abgeschlossen. Und s...
