In’aventura americana – in roadmovie
Simon Derungs e Tarcisi Hendry han legì bler dad aventuras en la gronda America. Els avessan dentant mai pensà da sez far in di ina tala. Ma ussa cun 70 e 73 onns èsi uschè lunsch. Ils dus archivaris da las vischnancas da la Lumnezia e Tujetsch sa mettan sin ina da lur pli grondas aventuras. Els sgolan per l’emprima giada en ils Stadis Unids da l’America e tschertgan ils fastizs da las Rumantschas e dals Rumantschs che han bandunà lur patria avant passa 100 onns.
Gia blers onns sa fatschentan els cun l’istorgia da las Rumantschas e dals Rumantschs emigrads en ils Stadis Unids. Surtut cun famiglias che han da lezzas uras bandunà la Val Lumnezia e la Val Tujetsch. Sco archivaris da cultura han els rimnà documents e scrit cudeschs dad istorgias vividas vi sur m...
