Las cumbattantas per il clima
Ellas han tema per lur avegnir. Ellas cumbattan per il clima, e per la protecziun da l’ambient. Trais giuvnas dunnas, trais scolaras da la scola media, trais activantas che dattan prest tut lur temp liber per ina chaussa. Silja Largiadèr e Selina Arquint organiseschan cun autras giuvnas e giuvens ensemen las acziuns da la chauma per il clima. Uschia han ellas tratg ils fils en il Grischun per il di d'acziun dals 21-05-2021 a Cuira. A Noana Werdmüller na tanschi betg da mo da far chauma. Ella ha perquai fundà Extinction Rebellion en il Grischun ed emprova cun acziuns da dischobedientscha civila da dasdar la societad, che fa tenor ella memia pauc per il clima e per la natira. Casper Nicca ha accumpagnà las trais cumbattantas durant questa primavaira, cura ch’ellas han puspè sveglià il moviment suenter la sien da corona. «Las cumbattantas per il clima» è in film che mussa trais giuvnas tranter speranza e desperaziun, tranter tristezza e plaschair da vita, ma adina prontas per lur cumbat.
------------------------------------------------------------------------------------------- Sie haben Angst um ihre Zukunft. Sie kämpfen für das Klima und für den Naturschutz. Drei junge Frauen, drei Schülerinnen an einer Mittelschule, drei Klimaaktivistinnen, die ihre ganze Freizeit für ihre Sache...
