Per Pasca – chant giuvenil sco segn da speranza e cuminanza
Pasca è la festa da la levada, da nova vita, d’ina nova entschatta. Da Pasca festivesch’ins la primavaira: l’energia dal resvegl, dal cor lev plain smirvegl per prads e pumera en flur e colur. Pasca annunzia dis pli chauds, legria ed engraziaivladad. Tge giess qua meglier a prà ch’il chant da giuvnas e giuvens ch’èn sezs en plaina flur, plain energia e speranza? Perquai emetta RTR per Pasca in concert dal Chor da giuvenils grischun a chaschun da la Schubertiada 2025 a Sion. «Jeunes Talents» è in’iniziativa da la SRG SSR per promover giuvens talents musicals. En il rom da differents projects vegnan ils cunfins linguistics surmuntads e musicistas e chantadurs da l’entira Svizra s’entaupan per lur gronda passiun: la musica. Uschia è vegnida realisada durant il festival Schubertiada 2025 a Sion ina retscha da concerts cun ils quatter chors da giuvenils Coro Calicantus, Singknaben der St. Ursenkathedrale Solothurn, Schola de Sion ed il Chor da giuvenils grischun. RTR è stà da la partida ed ha registrà ils concerts en la famusa ed imposanta «Basilique de Valère Sion».
-------------------------------------------------------------------------------------------- Ostern ist das Fest der Auferstehung und des Neuanfangs. Es ist auch eine Zeit, um den Frühling zu feiern: die erwachende Energie, das leichte Herz angesichts all der saftig grünen Wiesen, Felder und Obstbä...
