Responsabladad al limit – in onn cun Daniel Albertin
«Igl è stà in onn fitg pretensius», di Daniel Albertin, il president communal d’Albula/Alvra. Pretensius, perquai ch’igl ha dà enorm bleras sfidas dapi la davosa evacuaziun da Brinzauls il november 2024. Saja quai perquai ch’ina part da las abitantas e dals abitants vul turnar a chasa, quai che las autoritads na lubeschan betg, u saja quai perquai ch’ins crai adina puspè che la costa vegnia oragiu, ma sa quietescha lura puspè. Durant il davos onn avain nus pudì accumpagnar Daniel Albertin cun la camera. In vair carussel d’emoziuns. A muments da plaschair suondan muments da nunchapientscha. I passa betg in di che Daniel Albertin na sto betg sa fatschentar cun Brinzauls. Sper tut questas sfidas cun Brinzauls è el era pur cun corp ed olma. Ina chargia dubla che fa adina puspè ponderar, sch’el duess chalar sco president communal. Il film «Responsabladad al limit – in onn cun Daniel Albertin» dat in’invista davos las culissas. El mussa muments da Daniel Albertin sco president communal e muments da sia vita privata, nua ch’el sa revegn.
-------------------------------------------------------------------------------------------- «Es war ein sehr anspruchsvolles Jahr», sagt Daniel Albertin, der Gemeindepräsident von Albula/Alvra. Anspruchsvoll, weil es seit der letzten Evakuierung von Brienz im November 2024 enorm viele Herausforder...
