50 onns dretg da vuschar: Ditg hai cuzzà, betg?

Anc avant la Svizra han gì il dretg da vuschar da las dunnas da pajais sco: Afghanistan, Burkina Faso, Pakistan, Uganda, Andorra... …suenter 167 pajais ha lura la Svizra finalmain era gì ses dretg da vuschar per las dunnas l'onn 1971. Quai almain sin livel federal. Co ha quai be pudì cuzzar uschè ditg?

Avant 50 onns pir, ils 7.2.1971 è vegnì acceptà dal suveran Svizzer il dretg da vuschar da las dunnas. Da lez temp consisteva quel be dad umens. Il cumbat da las dunnas per lur dretg da vuschar ha dentant gia cumenzà la fin dal 19avel tschientaner ed ha la finala cuzzà pli che 100 onns.