Lavur da matura daventa studi a l'ETH

14'000 tonnas microplastica van mintg'onn en terras ed auas en Svizra. E che tal plastic è era en lais da muntogna ha Anna Sidonia Marugg da Zuoz cumprovà en sia lavur da matura. Ussa fa ella part d'in studi pli grond da la Scola politecnica federala (ETH). Il studi è quasi il medem sco quel da l'Anna Sidonia Marugg – simplamain pli lung temp e cun analisa en labors.