Premi SRG.R 2020 va a Tarcisi Hendry

... ed il premi SRG.R va quest onn a Tujetsch: Tarcisi Hendry gudogna il premi ch'è dotà cun 8'000 francs. L'um da 68 onns ha grond plaschair dal premi: «La cultura è mia vita, jau dovrel quai per viver ed era per mia cuntentientscha.»

Hendry è s’engaschà per la cultura ed il linguatg en Tujetsch, saja quai sco scolast, dirigent, president en plirs gremis, autur da cudeschs e tgirader da l’archiv. Er en futur vul el cuntinuar da s’engaschar per la cultura. - Nus gratulain!