Minisguard dals 07.09.2019

Va i tiers a ti danunder ch’ils politichers han lur daners? Tenor la lescha na ston las politicras ed ils politichers betg tradir quants raps ch’els dovran per far reclama per sasez per vegnir elegids en ils parlaments. Però, quest onn han bleras politicras e politichers tuttina mussà quants raps ch’els han e per part era da tgi che quels vegnan. Il Minisguard declera pertge ch’ils politichers dovran tants raps. 100 onns FC Domat e 300 juniors Gronda festa questa fin d’emna a Domat. Il club da ballape festivescha il giubileum da 100 onns. Era da la partida èn las var 300 junioras e juniors che treneschan emna per emna. Per il Minisguard raschun avunda per visitar ils stars dal futur dal FC Domat.