14.11.2020280 guardà

Minisguard dals 14.11.2020

Ils 11-11, las 11:11 cumenza il tschaiver. Ma daco atgnamain?

Propi 100% segir na po nagin dir daco, ma i dat differentas teorias e quellas van enavos fin tar il Sontg Martin. Quel sontg da la baselgia catolica che duai avair partì ses mantè cun in pauper che pativa da la fradaglia. Tge che el ha da far cun tschaiver e daco che la glieud fascheva gia il temp medieval festa ils 11 da november declerain nus en il Minisguard. In di cun il pumpier da professiun Arno Schuoler Ir cun gronds camiuns cotschens e glisch blaua, stizzar fieus giu da la stgala gronda u era salvar in giat che na gughegia betg pli da vegnir giu da la planta. Quai è be ina pitschna part da la lavur dal pumpier da professiun Arno Schuoler. El è stà pumpier tar la plazza aviatica ed è uss tar ils pumpiers da la citad da Turitg. Nus avain guardà ad el in di sur la spatla. È pumpier forsa tes job da siemi u has ti in auter? A tgi guardassas ti gugent ina giada sur la spatla? Trametta tias propostas u dumondas a minisguard@rtr.ch e cun in zic cletg mussain era tes job da siemi.

Dapli da Minisguard

Ultimas episodas

Dapli da quest tema