Minisguard dals 18.03.2023

Tge bellezza rendida da sulegl u tge bel artg s. Martin! Duas chaussas che plaschan quasi a tuttas e tuts. Ma tge fa ora la bellezza da nus carstgauns? Il «Minisguard» fa in viadi atras l’istorgia, differentas culturas e mussa che la bellezza interna po esser fitg individuala sco er tge che plascha vi dals concarstgauns. Era en il Minisguard: Fin da stagiun – temp da rabats. Per intgins è la fin da stagiun il temp per cumprar nova vestgadira, novs skis u aissas. La raschun, lura è tut pli bunmartgà. Il «Minisguard» guarda en ils magazins da fatschentas da sport, lascha declerar, pertge ch’i dat rabats e mussa tge ch’ina fatschenta da sport sto tut far per avair regals plains la stagiun che suonda.