25.12.2021113 guardà

«Pled sin via» cun Vigeli Monn

Blers possedan ina stalla da Nadal ed en quella in bov ed in asen. Quests dus animals n’èn betg be per cas dapi tschientaners part da la scenaria d’ina stalla da Nadal. Els n’èn betg, per dir in zic salop, il stgaudament ecologic per il novnaschì. Na, els èn in’admoniziun per nus tuts. Ma savais vus insumma tgi che quest uffant è? Il bov conuscha ses possessur e l’asen il parsepen da ses patrun! Guardai qua en il parsepen, quai è il figl da Dieu. Quai è il pled da Dieu, sia charezza incarnada. In regal per vus tuts. Tgi che retschaiva quel cun cor avert, daventa sez in uffant da Dieu. Sin questa buna nova pudain nus chantar plain allegria cun las roschadas d’anghels: Gloria a Dieu en l’autezza e pasch sin terra als carstgauns da sia bainvulientscha.

Dapli da Pled sin via

Ultimas episodas