«Pled sin via» dals 04-06-2022 cun Cornelia Camichel Bromeis
Tschuncaisma signalisescha ina gronda vieuta en la vita dals amis e da las amias da Jesus. Els chapeschan, tge che la mort violenta da Jesus e sia resurrecziun signifitga: la vita è pli ferma che mintga violenza. Ina gronda vieuta hai dà er en la vita dal profet Elia, in pèr tschientaners avant la naschientscha da Jesus. Dieu ha manà el tras il desert – 40 dis plain temas e desperaziun, 40 dis persul, 40 dis da studegiar suenter. En sia pli gronda desperaziun è vegnida la vieuta – el ha gì in inscunter cun Dieu. Al punct il pli bass da sia vita hai dà in nov cumenzament per Elia. Ch’i dat adina midadas, che vieutas èn pussaivlas, quai ans raquintan questas istorgias biblicas. Ed igl è l’incumbensa da tut las baselgias cristianas da trair endament ella adina puspè e da far tut il pussaivel per ina vita degna ed umana sin quest mund, per tut las creaturas. Bella e benedida festa da Tschuncaisma!
------------------------------------------------------------------------------------------- Pfingsten markiert eine grosse Wende im Leben der Freundinnen und Freunde Jesus. Sie verstanden, was Jesus gewaltsamer Tod am Kreuz und seine Auferstehung für die bedeutete: Das Leben ist stärker als jede Ge...
