04.11.20215 guardà

Artg Live - Concert commemorativ Duri Sialm e Flurin Camathias a Mustér

Nus ans regurdain da duas grondas persunalitads da la cultura indigena. Ils 3 da fanadur 2021 èsi 130 onns dapi la naschientscha dal musicist, pedagog da musica e cumponist Duri Sialm, oriund da Segnas/Mustér e stà sesent a Cuira. Là è el mort ils 18 da december 1961. Betg mo ils dus datums da vita han stimulà da s’occupar cun vita ed ovra dal cumponist, mabain er la qualitad da sias cumposiziuns vocalas ed instrumentalas. Ils 6 da mars 2021 èsi 150 onns dapi la naschientscha dal spiritual, poet e scrivent Flurin Camathias, oriund da Laax e stà plevon a Breil, Andiast e Siat. Mort è Flurin Camathias ils 3 da fanadur 1946. El vala sco in dals impurtants poets e scrivents rumantschs. Numerusas da sias poesias èn vegnidas mess en musica. Registraziun: RTR, 31.10.2021, sala Peter Kaiser, claustra Mustér Video: Conrad Schlosser, RTR Audio: Andrin Kienz, RTR

Dapli da RTR musica

Ultimas episodas

Dapli da quest tema