«Alp Tracker» – tecnologia nova per evitar situaziuns privlusas

Viandar – quai vul dir far adatg: Betg be adatg sin las muntaneras da nursas pervia dals chauns da protecziun, ma er sin vatgas mamma. Sin las alps pasculeschan numnadamain adina dapli vatgas mamma, e pervia dal luf vegnian quellas adina pli malruassaivlas e pli agressivas, din ils purs. I vegn adina pli stretg sin las alps. En Surselva è perquai daventada activa ina gruppa da purs e turistichers. En il territori da l'Arena Alva vulan els empruvar dad evitar conflicts tranter il turissem e l'agricultura e da dar dapli segirtad als viandants – e quai cun insatge nov.