Breil: Vatga en il Volg

En la butia dal Volg a Breil è entrà in giast extraordinari: ina vatga.

Sco ina collavuratura da la butia dal vitg ha ditg envers RTR sajan trais vatgas sa rimnadas avant il Volg, senza patrun. En ina giada è entrada ina da quellas vatgas en la butia. Ina collavuratura haja badà subit e reagì: Ensemen cun ina clienta han ellas stgatschà la vatga ord la butia. Silsuenter sajan las vatgas partidas.