04.06.2021213 guardà

RTR-Showcase: «Rosset Meyer Geiger» live @Marsöl

Il trio da jazz Rosset Meyer Geiger sa preschenta cun in concert unic, dal qual els sezs na san gnanc anc exact, nua ch’il viadi va a finir. In concert improvisà – in gieu ristg e liber, en il qual nagut è scumandà e tut po capitar. Rosset Meyer Geiger: Josquin Rosset - clavazin Gabriel Meyer - giun Jan Geiger – percussiun Registraziun: RTR, 04.06.2021, Sala Marsöl a Cuira Ina co-producziun cun JazzCuira

Dapi 20 onns furman ils trais musicists Josquin Rosset al clavazin, Gabriel Meyer al bass, e Jan Geiger a la percussiun lur trio da jazz. En la scena valan els sco in vair caliber dal jazz liber. Gia lur emprim album il 2010 aveva recaltgà renconuschientscha fin en il Giapun – quai che valeva sco pitschna sensaziun per ina furmaziun svizra. «Le disque blanc» ina coproducziun da JazzCuira ed RTR Ensemen cun l’uniun che marca il jazz en nossa chapitala avain nus realisà l’idea da porscher communablamain la pussaivladad ad ina furmaziun ubain in project da jazz per far registraziuns per in album live. L’interpret survegn la pussaivladad da sa preschentar trais sairas en roda davant public, mintgamai cun il medem program musical. Ils trais concerts vegnan registrads e silsuenter mess a disposiziun per crear ordlonder in live album. Tut quai tenor l’exempel da las registraziuns legendaras fatgas en il club da jazz «Blue Note» ils onns 50 e 60 a New York.

Dapli da RTR Social

Ultimas episodas

Dapli da quest tema