07.01.202184 guardà

«Yuki» è in vair vagabund

En il Grischun è mintgamai la vischnanca politica responsabla per giats senza dachasa. Il suprastant da Surses Adrian Ballat ha gì in cor per Yuki, ch’è vegnì chattà da turists a Cunter/Burvagn. Uschia han el e sia amia prendì si il giat. Dapi in mais è el però gia puspè sparì. Cun fegls sgulants tschertga il pèr da Savognin il giat, ch’è stà mo radund in mais. Anc n’han els però gì nagin success. La speranza n’han els però betg anc dà si. Cun raschun. Sco quai che la veterinaria d’Alvaschagn Barbara Liesch ha ditg envers RTR, capitia quai savens che giats vegnan chattads anc plirs mais suenter ch’els sajan sparids. Ella è da buna speranza che Yuki ch’è stada tar ella en la pratica da veterinari, vegnia anc chattà. La schanza saja era pli gronda perquai ch’il giat haja implantà in chip cun las datas dal possessur. Plinavant saja il giat annunzià tar la centrala Svizra d’animals sparids STMZ (Schweizerische Tiermeldestelle).

Dapli da RTR Social

Ultimas episodas

Dapli da quest tema