Schurter fa anc ina davosa stagiun

Dapi 18 onns è Nino Schurter profi da mountainbike. La 19avla stagiun – cun il campiunadi mundial a chasa en il Vallais – vegn ad esser sia davosa.

«Dapi ch'il chalender da cursas è publitgà per l'onn 2025 èsi cler per mai: quai vegn ad esser la fin perfetga da mia carriera da cross-country», ha ditg Schurter. «In ulteriur campiunadi mundial a chasa e la cursa da la cuppa mundiala a Lai èn la partenza optimala per mai.»