Siglir tar il cuntegn

Header

audio
Ina drona che sgola.
RTR, Lukas Quinter
laschar ir. Durada: 06:20 minutas.
cuntegn

Lescha da dronas – Quai pudess sa midar il 2021

Tgi che sgola ina drona sa ch'ins ha da resguardar ina pluna prescripziuns. Il 2021 duess la lescha da dronas anc in giada sa midar. Ils puncts impurtants en survista.

Tadlar

Ins n'ha betg dad esser in pilot d'in eroplan per manischar ina drona. Tuttina po ina drona spert daventar privlusa – per exempel sche quella croda giu dal tschiel. Pervia da quai ha la Svizra ina lescha da dronas. L'onn 2021 vegn quella adattada.

L'UE cumanda

Entras ils contracts bilaterals è la Svizra obligada da surpigliar las novas reglas d'aviatica da l'Uniun europeica. Quai vala era per la lescha da dronas. En il parlament a Berna è dentant sa furmada resistenza, en connex cun novas reglas per manischar eroplans da model. Actualmain è la Svizra en consultaziun cun l'Uniun europeica.