Siglir tar il cuntegn

Header

audio
Chasper Pult.
RTR G.Dazzi
laschar ir. Durada: 05:17 minutas.
cuntegn

Chavadè

Ils dis èn vegnids pli lungs, las temperaturas pli miaivlas, la primavaira empernaivla è arrivada. La dumonda da dunna Amanda che vuleva savair ensemen cun in'amia co ins di per rumantsch «Brustwarze» m'ha fatg surstar – senza malart.Tschert che «la varicla u bricla dal sain» na pudeva betg esser la resposta correcta. En ils vocabularis chattain nus «chavadè» en ladin e «cavadi» en sursilvan, in pled tipic rumantsch che deriva dal latin capitellum e signifitga in pitschen chau. In auter term fiss «mammella» ed a Vaz vegn duvrà «tgapetsch» che munta chapitscha, sco en talian capezzolo.