Siglir tar il cuntegn

Header

audio
Ludwig van Beethoven (1770-1827) - cumponist
MAD
laschar ir. Durada: 59:59 minutas.
cuntegn

The Best of Beethoven 8

«Von Herzen – möge es wieder zu Herzen gehen!» – Beethoven e sia Missa solemnis.

Tadlar

Uss, mez december, avess Ludwig van Beethoven ses 250avel anniversari. Tge di exact ch'el è naschì n'è betg enconuschent. El è vegnì battegià ils 17 da december 1770 a Bonn (Germania). Mort è Beethoven ils 26 da mars 1827 a Vienna.

En sia seria The best of Beethoven è La classica da RTR sa fatschentada quest onn adina puspè cun quest grond architect da musica. En il center da l'8avla e davosa part stat sia Missa solemnis, in'ovra monumentala ch'ha da lezzas uras rut tuttas convenziuns e siglientà lura la clasena da l'ordinarium missae. Il mars 1823 terminescha Beethoven sia Missa solemnis e notescha sin il frontispizi da la partitura «Von Herzen – möge es wieder zu Herzen gehen!»

La stad 2015 ha Nikolaus Harnoncourt dà quella Missa solemnis en in concert a Graz (Austria). Da quest concert è cumparì in disc cumpact, il davos dal dirigent Harnoncourt. Ed el numna sia vista da quest'ovra monumentala «eine Interpretation aus der Stille». Mo otg mais suenter quest concert è Nikolaus Harnoncourt mort en la vegliadetga dad 85 onns. Uschia è la Missa solemnis da Beethoven daventada ina spezia da testament musical dal grond dirigent austriac Nikolaus Harnoncourt.