Chant e musica èn materia viva. E gist per nus Rumantschs e Rumantschas muntan chant e musica identitad. Promover, tgirar e collectar quella materia è in dals pensums da RTR. Dapi 35 onns fa RTR quai en atgna reschia. Bain in motiv da guardar enavos? Quest'emna faschain nus quai cun emetter mintga saira (20:03-21:00) in concert che stat en connex cun nossa producziun da musica. Oz NOSS CHORS.
Il matg 2013 ha in dals capo chors virils da l'Europa concertà a Vella, 40 chantadurs da la regiun dad Udine Friul/Italia. Quai concert dal Coro polifonico di Ruda cun sia dirigenta Fabiana Nora ha gì lieu en il rom da las festivitads 75 onns Chor viril Lumnezia.
