La passlunghista svizra Nadine Fähndrich mussa ina ferma prestaziun a Kuusamo e vegn 14avla. La victoria sur 10 kilometers stil classic va surprendentamain betg a Therese Johaug, mabain a la Svedaisa Frida Karlsson.
Tar temperaturas fin -19 grads ha la Svizra mussà ch'ella è sa meglierada er tar sia pli flaivla disciplina. Il venderdi aveva ella cuntanschi en il sprint il 12avel plaz. La dumengia suonda anc la cursa da persecuziun en skating. Il start suonda là tenor il retard da la sonda.
Gia l’avantmezdi eran ils umens partids en la Finlanda. Meglier svizzer è vegnì Dario Cologna sco 24avel.
