Tar l'emprima cursa da passlung da la stagiun ha Nadine Fähndrich mussà, ord vista svizra, la meglra prestaziun. En il sprint classic a Kuusamo en la Finnlanda è ella pir crudada ora en il mezfinal. Laurien van der Graaf è crudada ora en la qualificaziun. La Svedaisa Maja Dahlqvist ha pudì festivar la victoria.
Tar ils umens ha sulet Javian Hediger dumagnà la qualificaziun ed è crudà ora en il quartfinal. Gudagnà ha il Russ Alexander Terentew.
